Webdunia - Bharat's app for daily news and videos

Install App

കോന്നിയുടെ കാര്യത്തില്‍ എസ് എന്‍ ഡി പിക്ക് കോണ്‍ഗ്രസിനോട് അതൃപ്‌തിയെന്ന് റിപ്പോര്‍ട്ട്

ജോണ്‍സി ഫെലിക്‍സ്
ചൊവ്വ, 2 മാര്‍ച്ച് 2021 (21:15 IST)
വരുന്ന നിയമസഭാ തെരഞ്ഞെടുപ്പില്‍ കോന്നി നിയോജക മണ്ഡലത്തിലെ സ്ഥാനാര്‍ത്ഥി ആരാകണം എന്നതിനെ ചൊല്ലി യു ഡി എഫില്‍ അസ്വസ്ഥതകള്‍ പുകയുന്നതിനിടെ എസ് എന്‍ ഡി പി യുഡിഎഫില്‍ നിന്ന് അകലുന്നതായി സൂചന. ഈഴവസമുദായത്തിന്‍റെ വികാരങ്ങളെ മാനിക്കാതെ മണ്ഡലത്തില്‍ സ്ഥാനാര്‍ത്ഥിയെ നിശ്‌ചയിക്കുന്നതില്‍ സമുദായത്തിന് കടുത്ത അതൃപ്‌തിയുണ്ടെന്നാണ് റിപ്പോര്‍ട്ടുകള്‍.
 
മണ്ഡലത്തില്‍ യു ഡി എഫ് സ്ഥാനാര്‍ത്ഥിയായി തങ്ങളുടെ പ്രതിനിധി വരണമെന്നാണ് എസ് എന്‍ ഡി പി ആഗ്രഹിക്കുന്നത്. പതിവായി അടൂര്‍ പ്രകാശ് മത്‌സരിച്ചുകൊണ്ടിരുന്ന മണ്ഡലത്തില്‍ ഇത്തവണയും ഈഴവ സമുദായത്തില്‍ നിന്ന് ഒരാള്‍ യു ഡി എഫ് സ്ഥാനാര്‍ത്ഥിയാകണമെന്ന് സമുദായം ആഗ്രഹിക്കുന്നുണ്ട്. 2016ല്‍ ഈഴവ സമുദായത്തില്‍ നിന്നുള്ള 11 പേര്‍ക്കുമാത്രമാണ് കോണ്‍ഗ്രസ് സ്ഥാനാര്‍ഥിയാകാന്‍ അവസരം നല്‍കിയത്. അതില്‍ ജയിച്ച ഏക സീറ്റാണ് കോന്നി.
 
തോല്‍ക്കുന്ന സീറ്റുകളാണ് പതിവായി എസ് എന്‍ ഡി പിക്ക് നല്‍കുന്നത് എന്നൊരു പരാതി സമുദായത്തിനുണ്ട്. അതുകൊണ്ടുതന്നെ, ഇത്തവണ കോന്നി ഉള്‍പ്പടെ ജയിക്കാന്‍ സാധ്യതയുള്ള സീറ്റുകളില്‍ എസ് എന്‍ ഡി പി പ്രതിനിധികള്‍ക്ക് അവസരം നല്‍കണമെന്ന് സമുദായം ആഗ്രഹിക്കുന്നു. മാത്രമല്ല, 35 സീറ്റുകള്‍ ഈഴവസമുദായത്തിന് കൊടുക്കണമെന്ന രീതിയില്‍ പാര്‍ട്ടിയില്‍ തന്നെ നിര്‍ദ്ദേശവും വന്നിട്ടുണ്ട്.
 
ഈ സാഹചര്യത്തില്‍ കോന്നിയില്‍ എസ് എന്‍ ഡി പി പ്രതിനിധി സ്ഥാനാര്‍ത്ഥിയാകണമെന്ന ആവശ്യം സമുദായനേതാക്കള്‍ ഉയര്‍ത്തിയിട്ടുണ്ട്. 
 
റോബിന്‍ പീറ്ററിനെ സ്ഥാനാര്‍ത്ഥിയാക്കാനുള്ള അടൂര്‍ പ്രകാശിന്‍റെ നീക്കങ്ങള്‍ക്കെതിരെ കഴിഞ്ഞ ദിവസം മണ്ഡലത്തില്‍ വ്യാപകമായി പോസ്റ്ററുകള്‍ പ്രത്യക്ഷപ്പെട്ടിരുന്നു. മാത്രമല്ല, ഡി സി സി ഭാരവാഹികള്‍ തന്നെ അടൂര്‍ പ്രകാശിന്‍റെ നീക്കത്തിനെതിരെ പരസ്യമായി രംഗത്തുവരികയും നേതൃത്വത്തിന് പരാതി നല്‍കുകയും ചെയ്‌തിരുന്നു. ഈ സാഹചര്യത്തിലാണ് മണ്ഡലത്തില്‍ എസ് എന്‍ ഡി പി പ്രതിനിധിയെ സ്ഥാനാര്‍ഥിയാക്കണമെന്ന ഈഴവ സമുദായത്തിന്‍റെ ആവശ്യം കോണ്‍ഗ്രസ് നേതൃത്വത്തിന് മുന്നിലേക്ക് വന്നിരിക്കുന്നത്. 

അനുബന്ധ വാര്‍ത്തകള്‍

വായിക്കുക

യാത്രാക്കാരനെന്ന വ്യാജേന ഫോൾ ചെയ്തു, മന്ത്രിക്ക് മറുപടി കിട്ടിയില്ല, 9 കണ്ടക്ടർമാരെ സ്ഥലം മാറ്റി കെ ബി ഗണേഷ് കുമാർ

ഓസ്ട്രിയയില്‍ സ്‌കൂളില്‍ വെടിവെപ്പ് വിദ്യാര്‍ത്ഥികള്‍ അടക്കം 10 പേര്‍ കൊല്ലപ്പെട്ടു

Elon Musk vs Donald Trump: ട്രംപ്- മസ്ക് പോര് അടുത്ത ഘട്ടത്തിലേക്ക്,ടെസ്‌ലയ്ക്കുള്ള സർക്കാർ സബ്സിഡി നിർത്തലാക്കുമെന്ന് ട്രംപ്, ടെസ്‌ല ഓഹരികൾ 14 ശതമാനം ഇടിഞ്ഞു

Elon Musk vs Donald Trump: തെണ്ടിത്തരം ചെയ്യരുത്, ഞാന്‍ പിന്തുണച്ചില്ലെങ്കില്‍ താന്‍ വിജയിക്കില്ലായിരുന്നു, ട്രംപ് പീഡോഫൈല്‍, എപ്സ്റ്റീന്റെ പാര്‍ട്ടികളില്‍ പങ്കെടുത്തു: ട്രംപിനെതിരെ തുറന്ന യുദ്ധത്തിന് ഇലോൺ മസ്ക്

മുതിര്‍ന്ന കോണ്‍ഗ്രസ് നേതാവ് തെന്നല ബാലകൃഷ്ണ പിള്ള അന്തരിച്ചു

എല്ലാം കാണുക

ഏറ്റവും പുതിയത്

Kerala Weather: മഴ തുടങ്ങി, കാലവര്‍ഷം വീണ്ടും ശക്തിപ്പെടുന്നു; ജാഗ്രത

പൂച്ച വാഹനത്തിന് മുന്നിലേക്ക് ചാടി, കൊടുങ്ങല്ലൂരില്‍ സ്‌കൂട്ടറില്‍ നിന്നുവീണ് യുവതി മരിച്ചു

തട്ടിക്കൊണ്ടുപോകല്‍ കേസില്‍ മുന്‍കൂര്‍ ജാമ്യം തേടി കൃഷ്ണകുമാറും മകള്‍ ദിയയും

മത്സ്യത്തൊഴിലാളികള്‍ക്ക് പഞ്ഞമാസസഹായധനം അനുവദിച്ചു: മന്ത്രി സജി ചെറിയാന്‍; 4500രൂപ വീതം നല്‍കും

ഞങ്ങൾക്ക് കയ്യിലുള്ള ദൃശ്യങ്ങൾ എപ്പോഴെ ഇടാമായിരുന്നു, കേസുമായി നീങ്ങിയപ്പോൾ മാത്രമാണ് അതെല്ലാം പരസ്യമാക്കിയത്: സിന്ധു കൃഷ്ണകുമാർ

അടുത്ത ലേഖനം
Show comments