കന്യാകുമാരി: കന്യാകുമാരി ജില്ലയിലെ ആറ്റൂരിൽ വൈദ്യുതാഘാതം ഏറ്റു ഒരു കുടുംബത്തിലെ മൂന്നു പേർ മരിച്ചു. ആറ്റൂർ തൊപ്പവിള സ്വദേശി സാമിനെ ഭാര്യ ചിത്ര (46), മക്കൾ ആതിര (25), മകൻ അശ്വിൻ (21) എന്നിവരാണ് മരിച്ചത്.
അശ്വിൻ വീട്ടിൽ നിന്ന് പുറത്തേക്ക് പോകവേ വീടിന്റെ തൊട്ടടുത്തുള്ള കെട്ടിടത്തിന്റെ ചുമരിൽ കൈവച്ചപ്പോൾ ഷോക്കേറ്റു വീഴുകയായിരുന്നു. അശ്വിൻ വീണത് കണ്ട് ചിത്രയും ആതിരയും എത്തി അശ്വിൻ പിടിച്ച ചുമരിൽ പിടിച്ചതോടെ ഇരുവരും ഷോക്കേറ്റു വീണു. ഷോക്കേറ്റു വീണ മൂവരും സംഭവ സ്ഥലത്തു തന്നെ മരിച്ചു.
സംഭവം അറിഞ്ഞു തിരുവട്ടാർ പോലീസ് സ്ഥലത്തെത്തി അന്വേഷണം നടത്തിയപ്പോഴാണ് ഭിത്തിയിൽ നിന്നുള്ള ഷോക്കേറ്റാണ് ഇവർ മൂവരും മരിച്ചതെന്ന് കണ്ടെത്തിയത്. മൃതദേഹങ്ങൾ നാഗർകോവിൽ ആശാരിപ്പള്ളം മെഡിക്കൽ കോളേജിലേക്ക് മാറ്റി.
