അങ്കമാലിയില്‍ പിതാവ് കൊലപ്പെടുത്താന്‍ ശ്രമിച്ച കുഞ്ഞിനെ നാളെ ഡിസ്ചാര്‍ജ് ചെയ്യും. കോലഞ്ചേരി മെഡിക്കല്‍ കോളേജിലാണ് കുട്ടിയിപ്പോള്‍ ഉള്ളത്. 56 ദിവസംമാത്രം പ്രായമായിരുന്ന പെണ്‍കുഞ്ഞിനെ പിതാവ് എടുത്ത് എറിയുകയായിരുന്നു. വീഴ്ചയില്‍ കുഞ്ഞിന്റെ തലയില്‍ ഗുരുതരമായ പരിക്കേറ്റിരുന്നു. ശസ്ത്രക്രിയക്ക് ശേഷം കുട്ടിയുടെ ആരോഗ്യനില മെച്ചപ്പെട്ടതിനെ തുടര്‍ന്നാണ് ഡിസ്ചാര്‍ജ്.
പെണ്‍കുഞ്ഞ് ജനിച്ചതിലുള്ള ദേഷ്യമാണ് കുട്ടിയുടെ പിതാവ് ഇത്തരമൊരു ക്രൂരതയ്ക്കു മുതിര്‍ന്നതെന്ന് പറയുന്നു. ആദ്യം കട്ടിലില്‍ നിന്ന് വീണെന്ന് കള്ളം പറയുകയായിരുന്നു. സംശയം തോന്നിയ ആശുപത്രി അധികൃതര്‍ പൊലീസിനെ അറിയിക്കുകയും പൊലീസിന്റെ ചോദ്യം ചെയ്യലിലാണ് പ്രതി കുറ്റം സമ്മതിച്ചത്.
