എറണാകുളത്ത് ബസില്‍ യാത്രക്കാരിയുടെ പണം മോഷ്ടിച്ച യുവതി അറസ്റ്റില്‍

എറണാകുളത്ത് ബസില്‍ യാത്രക്കാരിയുടെ പണം മോഷ്ടിച്ച യുവതി അറസ്റ്റില്‍. തമിഴ്നാട് സ്വദേശിനി പ്രിയ ആണ് അറസ്റ്റിലായത്. 17,000 രൂപയാണ് പ്രതി അത്താണി സ്വദേശിനിയായ വീട്ടമ്മയുടെ ബാഗില്‍ നിന്നും കൈക്കലാക്കിയത്. കൂടാതെ മറ്റൊരു യാത്രക്കാരിയുടെ ബാഗില്‍ നിന്നും 7,000 രൂപയും മോഷ്ടിച്ചു. പള്ളിക്കര എറണാകുളം റൂട്ടില്‍ ഓടുന്ന ബസിനുള്ളിലാണ് സംഭവം.

പണം നഷ്ടമായ വിവരം അറിഞ്ഞതോടെ വീട്ടമ്മ ബഹളം ഉണ്ടാക്കിയതിനെ തുടര്‍ന്ന് ബസ് കാക്കനാട് ഐഎംകി ജംഗ്ഷനില്‍ നിര്‍ത്തുകയായിരുന്നു. ഓടി രക്ഷപ്പെടാന്‍ ശ്രമിച്ച പ്രിയയെ ബസ് യാത്രികര്‍ പിടികൂടി പൊലീസില്‍ ഏല്‍പ്പിച്ചു.