മഹേഷിന്റെ പ്രതികാരം പണിയാകുമോ? എത്രയും പെട്ടന്ന് ഒരു തീരുമാനം എടുക്കണം, ഇല്ലെങ്കിൽ...
മഹേഷിന്റെ പ്രതികാരത്തിലെ ദേശീയഗാനം സീനില്‍ എഴുന്നേല്‍ക്കണോ വേണ്ടയോ?
തീയേറ്ററിൽ ദേശീയഗാനം കേൾപ്പിക്കുമ്പോൾ എഴുന്നേറ്റ് നിൽക്കണമെന്ന് സുപ്രിംകോടതി ഉത്തരവിട്ടപ്പോൾ മലയാളികൾ ഏറ്റവും അധികം ചർച്ച ചെയ്തത് ദിലീപ് പോത്തന്റെ 'മഹേഷിന്റെ പ്രതികാരം' എന്ന ചിത്രമായിരുന്നു. കാണികളെ ഏറെ ചിരിപ്പിച്ച ആ സീൻ ഇന്നലെ ടാഗോർ തീയേറ്ററിൽ ആശയക്കുഴപ്പമുണ്ടാക്കി. കേരള അന്താരാഷ്ട്ര ചലച്ചിത്രോത്സവത്തില്‍ ആ ചിത്രം പ്രദർശിപ്പിക്കുമ്പോൾ കാണികൾ എങ്ങനെയാകും പ്രതികരിക്കുക എന്നോർത്ത് കേരളം കാത്തിരിക്കുകയായിരുന്നു.
സിനിമ പ്രദർശിപ്പിച്ച് ദേശിയഗാനം കേൾപ്പിക്കുന്ന ഭാഗമെത്തിയപ്പോൾ അക്ഷരാർത്ഥത്തിൽ പലരും ആശങ്കയിൽ ആവുകയായിരുന്നു. പൊലീസ് പിടിച്ചാലോ എന്ന് പേടിച്ചോ എന്തോ, വേഗം തീയറ്ററില്‍ എല്ലാവരും ചാടി എഴുന്നേറ്റു. ചിലയാളുകള്‍ക്ക് ഒന്നും ഈ സമയത്ത് ഒന്നും മനസിലായില്ലെങ്കിലും അവരും എഴുന്നേറ്റുനിന്നു. അതേസമയം, ഇത് സിനിമയിൽലെ ഭാഗമാണെന്ന് മനസ്സിലാക്കിയ ചിലർ മാത്രം എഴുന്നേൽക്കാതേയും ഇരുന്നു.
ഏതായാലും ഇങ്ങനെയുള്ള സാഹചര്യത്തിൽ എഴുന്നേൽക്കണോ വേണ്ടയോ എന്ന ആശയക്കുഴപ്പമാണ് പലർക്കും ഉണ്ടാകുന്നത്. അമിത ദേശീയതയ്‌ക്കെതിരെയുള്ള ശക്തമായ സന്ദേശമായാണ് സിനിമയിലെ ഈ രംഗം പൊതുവേ വിലയിരുത്തിപ്പോന്നത്. വിഷയത്തിൽ അക്കാദമി ഒരു തീരുമാനം പറയണമെന്നും കാണികൾ ആവശ്യപ്പെടുന്നുണ്ട്.
