ലോക്ക്‌ഡൗണിനിടെ ചൂണ്ടയിടൽ, പോലീസിനെ കണ്ട് കായലിൽ ചാടിയ യുവാവ് മരിച്ചു

കൊല്ലം ബൈപാസിന് സമീപം നീരാവിൽ പാലത്തിനു താഴെ ചൂണ്ടയിടുകയായിരുന്ന യുവാക്കൾ പൊലീസിനെ കണ്ടു കായലിൽ ചാടി. ഒരാൾ മരിച്ചു. നീരാവിൽ സ്വേദേശി പ്രവീൺ (41) ആണ് മരിച്ചത്.

ചൊവ്വാഴ്‌ച്ച രാവിലെ 11 മണിയോടെയാണ് സംഭവം. ലോക്ക്‌ഡൗൺ ദിവസങ്ങളിലും പാലത്തിന്റെ കീഴിൽ ചീട്ടുകളിയും ചൂണ്ടയിടലും പതിവാണെന്ന് പോലീസിന് പരാതി ലഭിച്ചിരുന്നു. തുടർന്ന് ഇത് പരിശോധിക്കാൻ എത്തിയതായിരുന്നു പോലീസ്. പോലീസ് എത്തിയതും കൂട്ടം ചേർന്നിരുന്ന യുവാക്കൾ കായലിൽ ചാടുകയായിരുന്നു.