എട്ടുമാസത്തിനിടെ ഓപ്പറേഷന്‍ ഷവര്‍മയില്‍ പിഴയിട്ടത് 36,42,500 രൂപ. 2022 ഏപ്രില്‍ മുതല്‍ ഡിസംബര്‍ വരെ നടന്ന പരിശോധനയിലാണ് നടപടി. 8224 പരിശോധനകള്‍ നടത്തി 1081 സ്ഥാപനങ്ങള്‍ക്ക് നോട്ടീസ് നല്കി. ഷവര്‍മ്മ വില്പന നടത്തുന്ന സ്ഥാപനങ്ങളെക്കുറിച്ച് നിരന്തരം പരാതികള്‍ ഉയര്‍ന്ന സാഹചര്യത്തിലാണ് ഓപ്പറേഷന്‍ ഷവര്‍മ്മയ്ക്ക് സര്‍ക്കാര്‍ രൂപം നല്കിയത്.
ഷവര്‍മ്മയുമായി ബന്ധപ്പെട്ട് 2023 ജനുവരി ഒന്ന് മുതല്‍ 22 വരെ 6689 പരിശോധനകള്‍ നടന്നു. 218 സ്റ്റാറ്റിയൂട്ടറി സാമ്ബിളുകളും 1114 സര്‍വയിലന്‍സ് സാമ്ബിളുകളും ശേഖരിച്ചു. 317 സ്ഥാപനങ്ങളുടെ പ്രവര്‍ത്തനം നിര്‍ത്തിച്ചു. 834 സ്ഥാപനങ്ങള്‍ക്ക് നോട്ടീസ് നല്കി. 902 സ്ഥാപനങ്ങള്‍ക്ക് കോമ്ബൗണ്ടിങ് നോട്ടീസ് നല്കി.
