കൂടുതലും ചെറിയ കുട്ടികള്‍ക്കാണ് ഈ അപകടം ഉണ്ടാകുന്നത്. ഭക്ഷണം നന്നായി ചവച്ചരച്ച് കഴിക്കണമെന്ന കാര്യം കുട്ടികളോട് പ്രത്യേകം പറഞ്ഞ് കൊടുക്കുക. ഇതാണ് പ്രധാന കാരണം. ചെറിയ കുട്ടികള്‍ക്ക് കിടത്തികൊണ്ട് പാല്‍ കൊടുത്താല്‍ അത് ശ്വാസകോശത്തില്‍ എത്തി അതേത്തുടര്‍ന്ന് അപകടങ്ങള്‍ ഉണ്ടാകാന്‍ ഇടയുണ്ട്. കുട്ടികള്‍ക്ക് മുലപ്പാല്‍ നല്‍കുമ്പോള്‍ കിടത്തി കൊടുക്കുന്നത് ഒഴിവാക്കണം. തല അല്‍പം ഉയര്‍ത്തി വച്ച് വേണം കുട്ടികള്‍ക്ക് പാല്‍ നല്‍കാന്‍.
ഭക്ഷണം തൊണ്ടയില്‍ കുടുങ്ങിയാല്‍ ചെയ്യേണ്ട നാല് മാര്‍ഗങ്ങള്‍ എന്തെല്ലാമാണെന്ന് നോക്കാം.
1. തൊണ്ടയില്‍ ഭക്ഷണം കുടുങ്ങിയത് കുട്ടികള്‍ക്കോ മുതിര്‍ന്നവര്‍ക്കോ ആകട്ടെ, അവരോട് ചുമയ്ക്കാന്‍ ആവശ്യപ്പെടുക. ഭക്ഷണം ശ്വാസകോശത്തിലാണ് കുടുങ്ങിയതെങ്കില്‍ ചുമയ്ക്കുമ്പോഴുണ്ടാകുന്ന മര്‍ദ്ദം മൂലം അവ പുറത്തേക്ക് വരും.
2. ആ വ്യക്തിയോട് കുനിഞ്ഞ് നില്‍ക്കാന്‍ ആവശ്യപ്പെടുക, അതിനുശേഷം പുറത്ത് ശക്തിയായി തട്ടുക. തട്ടുമ്പോള്‍ ഉണ്ടാകുന്ന മര്‍ദത്തിലൂടെ തൊണ്ടയില്‍ കുടുങ്ങി വസ്തു പുറത്തേക്ക് വരും.
3. കുട്ടികളാണെങ്കില്‍ കയ്യില്‍ കമഴ്ത്തി കിടത്തുക. അതിനു ശേഷം പുറത്ത് സാവധാനം തട്ടികൊടുക്കുക.
4. മുകളില്‍ പറഞ്ഞിട്ടുള്ളതെല്ലാം ബോധാവസ്ഥയില്‍ ആണെങ്കില്‍ മാത്രം ചെയ്യാവുന്ന കാര്യമാണ്. അബോധാവസ്ഥയില്‍ ആണെങ്കില്‍ തീര്‍ച്ചയായും ആശുപത്രിയില്‍ കൊണ്ടുപോകേണ്ടതുണ്ട്.
