കണ്ണർ: റോഡരുകിൽ മാലിന്യം തള്ളിയ ലോറി പഞ്ചായത്ത് അധികാരികൾ പിടി കൂടി 50000 രൂപാ പിഴ ഈടാക്കി. പട്ടുവം പറപ്പുൽ - കോടേശ്വരം റോഡരുകിലാണ് ലോറിയിൽ എത്തിയവർ കഴിഞ്ഞ ദിവസം വലിയ തോതിൽ മാലിന്യം തള്ളിയത്.
ഈയിടെയായി ഈ പ്രദേശത്ത് വലിയ അളവിൽ മാലിന്യം തള്ളുന്നതായി കണ്ടതിനെ തുടർന്നാണ് പഞ്ചായത്ത് അധികൃതർ നിരീക്ഷണം ആരംഭിച്ചത്. ചെറുകുന്ന് ഭാഗത്തു നിന്നു വന്ന ലോറിയിലുള്ളവരാണ് മാലിന്യം തള്ളിയതിനു പിടിയിലായത്. അധികാരികൾ വാഹനത്തിൽ ലോറിയെ പിന്തുടർന്നാണ് പിടി കൂടിയത്.
