കോഴിക്കോട്: പോലീസ് കഴിഞ്ഞ ദിവസം സംസ്ഥാനത്തെ ഗുണ്ടാ വാഴ്ച അവസാനിപ്പിക്കണം എന്നുള്ള നടപടിയുടെ ഭാഗമായി "ഓപ്പറേഷൻ കാവൽ" -ൽ കോഴിക്കോട് നടത്തിയ പരിശോധനയിൽ 65 ഗുണ്ടകളെ പിടികൂടി. നഗര പരിധിയിലെ വിവിധ പോലീസ് സ്റ്റേഷനുകളിലെ പോലീസ് ഉദ്യോഗസ്ഥരാണ് ഇതിനു നേതൃത്വം നൽകിയത്.
കഴിഞ്ഞ രാത്രി തുടങ്ങിയ ഈ പരിശോധന ഇന്ന് രാവിലെയാണ് അവസാനിച്ചത്. പിടിയിലായവരിൽ എട്ടു സ്ഥിരം കുറ്റവാളികളും പിടികിട്ടാപ്പുള്ളികളുമുണ്ട്. ഇവരിൽ ചിലക്കെതിരെ "കാപ്പ' നിയമം ചുമത്തണമോ എന്നതുൾപ്പെടെയുള്ള കാര്യങ്ങൾ പിന്നീട് തീരുമാനിക്കും എന്നാണു സൂചന. വരും ദിവസങ്ങളിലും സമാന നടപടികളും പരിശോധനകളും ഉണ്ടാകും എന്നാണു റിപ്പോർട്ട്.
