പ്രായപൂർത്തി ആകാത്തത് പെൺകുട്ടിയെ തട്ടിക്കൊണ്ടു പോയി പീഡിപ്പിച്ച യുവാവിന് 60 വർഷം തടവ്

പെരുമ്പാവൂർ: പ്രായപൂർത്തി ആകാത്ത പെൺകുട്ടിയെ തട്ടിക്കൊണ്ടുപോയി പീഡിപ്പിച്ച കേസിൽ യുവാവിന് 60 വര്ഷം തടവും 70000 രൂപ പിഴയും വിധിച്ചു. കടുത്തുരുത്തി ആയാംകുടി ശ്രീചിത്തിര കോളനി നിവാസി ദിലീപ് എന്ന 24 കാരനാണു  കോടതി ശിക്ഷ വിധിച്ചത്.

2019 ൽ നടന്ന സംഭവത്തിൽ പതിനഞ്ചുകാരിയാണ് പീഡിപ്പിക്കപ്പെട്ടത്. കുന്നത്തുനാട് പൊലീസാണ് പ്രതിയെ അറസ്റ്റ് ചെയ്തതും തുടർന്ന് 2019 നവംബറിൽ തന്നെ കുറ്റപത്രം സമർപ്പിക്കുകയും ചെയ്തു. പെരുമ്പാവൂർ അതിവേഗ കോടതിയാണ് ശിക്ഷ വിധിച്ചത്.