കോട്ടയം: നടിക്കു നേരെ ലൈംഗികാതിക്രമം നടത്തിയ പ്രതിയെ പോലീസ് അറസ്റ്റ് ചെയ്തു. കൊല്ലം ചവറ തയ്യിൽ സ്വദേശി അൻസാർ ഖാൻ എന്ന 25 കാരനാണ് പിടിയിലായത്.
കഴിഞ്ഞ പന്ത്രണ്ടാം തീയതിയാണ് കേസിന് ആസ്പദമായ സംഭവം നടന്നത്. ചെന്നൈ - തിരുവനന്തപുരം എക്സ്പ്രസിലായിരുന്നു സിനിമാ നടിക്ക് നേരെ പ്രതി ലൈംഗികാതിക്രമം കാട്ടിയത്.
കൊല്ലം റയിൽവേ പോലീസ് എസ്.എച്ച്.ഒ റെജി ജോസഫിൻ്റ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്. അറസ്റ്റിലായ പ്രതിയെ കോടതി റിമാൻഡ് ചെയ്തു