ഇടുക്കി: ഇടുക്കി മറയൂരിലെ കാന്തല്ലൂരിലുള്ള പെണ്‍കുട്ടിയുമായി അടുക്കുകയും പിന്നീട് കുട്ടിയെ പീഡിപ്പിക്കുകയും ചെയ്ത ശേഷം മറ്റൊരു യുവതിയെ വിവാഹം ചെയ്യാന്‍ ശ്രമിക്കവേ പോലീസ് പിടിയിലായി. പെണ്‍കുട്ടിയുടെ പരാതിയെ തുടര്‍ന്നാണ് കാന്തല്ലൂര്‍ പെരുമല സ്വദേശി പാല്‍രാജ് എന്ന 25 കാരന്‍ മറയൂര്‍ പോലീസ് പിടിയിലായത്.
മരപ്പണിക്കാരനായ പാല്‍രാജ് കഴിഞ്ഞ ഒന്നര കൊല്ലമായി പെണ്‍കുട്ടിയുമായി പ്രണയത്തിലായിരുന്നു. ദളിത് വിഭാഗത്തില്‍ പെടുന്ന ഈ പെണ്‍കുട്ടി കോളേജ് വിദ്യാര്ഥിനിയുമാണ്. കുട്ടിയെ വിവാഹ വാഗ്ദാനം നല്‍കിയാണ് പാല്‍രാജ് പീഡിപ്പിച്ചത്. എന്നാല്‍ വരുന്ന വെള്ളിയാഴ്ച പാല്‍രാജ് തമിഴ്നാട്ടിലെ ഒരു യുവതിയുമായി വിവാഹം നടത്താനുള്ള ഒരുക്കങ്ങള്‍ നടത്തുകയായിരുന്നു. ഇതറിഞ്ഞ പെണ്‍കുട്ടി മറയൂര്‍ പോലീസില്‍ പരാതി നല്‍കുകയായിരുന്നു.
പിടിയിലായ പാല്‍രാജിനെയും പെണ്‍കുട്ടിയെയും മെഡിക്കല്‍ പരിശോധനയ്ക്ക് വിധേയമാക്കി. തമിഴ്നാട്ടിലേക്ക് കടക്കാനൊരുങ്ങിയ പാല്‍രാജിനെ ചിന്നാറിനടുത്ത് വച്ചാണ് മറയൂര്‍ പോലീസ് ഇന്‍സ്പെക്ടര്‍ അനില്‍ കുമാറും സംഘവും ചേര്‍ന്ന് അറസ്‌റ് ചെയ്തത്.
