Select Your Language

Notifications

webdunia
webdunia
webdunia
webdunia

വീട്ടില്‍ നിന്ന് പിണങ്ങിയിറങ്ങിയ യുവതിയെ പീഡിപ്പിച്ച ബസ് കണ്ടക്ടര്‍മാര്‍ അറസ്റ്റില്‍

വീട്ടില്‍ നിന്ന് പിണങ്ങിയിറങ്ങിയ യുവതിയെ പീഡിപ്പിച്ച ബസ് കണ്ടക്ടര്‍മാര്‍ അറസ്റ്റില്‍

എ കെ ജെ അയ്യര്‍

, വെള്ളി, 26 ഫെബ്രുവരി 2021 (19:30 IST)
കണ്ണൂര്‍: വീട്ടില്‍ നിന്ന് പിണങ്ങിയിറങ്ങിയ യുവതിയെ ലൈംഗികമായി പീഡിപ്പിച്ച രണ്ട് ബസ് കണ്ടക്ടര്‍മാരെ പോലീസ് അറസ്‌റ് ചെയ്തു. പയ്യോളിയില്‍ നിന്നാണ് 26 കാരിയായ യുവതി വീട്ടുകാരുമായി പിണങ്ങി കണ്ണൂരിലെത്തിയത്. എന്നാല്‍ ഇവരെ നയത്തില്‍ വശത്താക്കി പറശിനികടവിലെ ഒരു ലോഡ്ജില്‍ കൊണ്ടുപോയി ബസ് കണ്ടക്ടര്മാരായ രണ്ട് യുവാക്കള്‍ പീഡിപ്പിക്കുകയായിരുന്നു.
 
പട്ടുവം പറപ്പൂലിലെ രൂപീഷ് (21), കണ്ണൂര്‍ കക്കാട് സ്വദേശി മിഥുന്‍ (30) എന്നിവരാണ് പോലീസ് പിടിയിലായത്. യുവതി ബുധനാഴ്ച സന്ധ്യയോടെയാണ് കണ്ണൂര്‍ ബസ് സ്റ്റാന്‍ഡിലെത്തിയത്. അവിടെ നിന്നാണ് ബസ് കണ്ടക്ടര്‍മാര്‍ ഇവരെ വശത്താക്കി ലോഡ്ജില്‍ കൊണ്ടുപോയി പീഡിപ്പിച്ചത്.
 
യുവതിയെ കാണാതായതോടെ ബന്ധുക്കള്‍ പയോളി പോലീസില്‍ പരാതി നല്‍കുകയും അന്വേഷണത്തില്‍ യുവതി തളിപ്പറമ്പ് പോലീസ് സ്റ്റേഷന്‍ പരിധിയിലുണ്ടെന്നു കണ്ടെത്തി. തുടര്‍ന്നാണ് പോലീസ് യുവതിയെയും കണ്ടക്ടര്‍മാരെയും ലോഡ്ജില്‍ നിന്ന് പിടികൂടിയത്. മൂവരെയും പയ്യോളി പൊലീസിന് കൈമാറി. പീഡനം സംബന്ധിച്ച് യുവതി പോലീസില്‍ മൊഴി നല്‍കിയിട്ടുണ്ട്. ഇതിന്റെ അടിസ്ഥാനത്തിലാണ് യുവാക്കളെ അറസ്‌റ് ചെയ്തത്.  

Share this Story:

Follow Webdunia malayalam

അടുത്ത ലേഖനം

മാലിന്യം അലക്ഷ്യമായി കൈകാര്യം ചെയ്തു: തിരുവനന്തപുരത്ത് വ്യാപാര സ്ഥാപനത്തിന് പിഴ ചുമത്തി