ചുമട്ടുതൊഴിലിന്റെ കാലം കഴിഞ്ഞു, നിർത്തലാക്കേണ്ട സമയം അതിക്രമിച്ചെന്ന് ഹൈക്കോടതി

ചുമട്ട് തൊഴിൽ നിർത്തലാക്കേണ്ട സമയം അതിക്രമിച്ചതായി ഹൈക്കോടതി. ഭൂതകാലത്തിന്റെ ശേഷിപ്പ് മാത്രമാണ് ഇന്ന് ചുമട്ട് തൊഴിലും ‌തൊഴിലാളികളും. അടിമകളെ പോലെയാണ് കഠിനാധ്വാനികളായ ചുമട്ടുതൊഴിലാളികൾ. ഹൈക്കോടതി നിരീക്ഷിച്ചു.

നേരത്തെ സെപ്‌റ്റി‌ക് മാലിന്യങ്ങൾ നീക്കം ചെയ്യാനും ഇത്തരം ടാങ്കുകൾ വൃ‌ത്തിയാക്കാനും മനുഷ്യനെ ഉപയോഗിച്ചിരുന്നു. സമാന രീതിയിലാണ് ചുമടെടുക്കാൻ മനുഷ്യനെ ഉപയോഗിക്കുന്നത്. തൊഴിൽ ചെയ്യുന്നവരിൽ ഭൂരിപക്ഷം നന്മയുള്ളവരാണെങ്കിലും 40-60 വയസ് കഴിയുന്നതൊടെ ഇവർ ആരോഗ്യം നശിച്ച് ജീവിതമില്ലാത്ത അവസ്ഥയിലേക്ക് എത്തുന്നു. ലോകത്ത് കേരളത്തിൽ മാത്രമായിരിക്കും ഈ തൊഴിൽ ശേഷിക്കുന്നത്.

ഇനിയെങ്കിലും ഈ സ്ഥിതി മാറുകയും ചുമട്ടു തൊഴിൽ നിർത്തലാക്കുകയും തൊഴിലാളികളെ പുനരധിവസിപ്പിക്കുകയും വേണം. ചുമടെടുക്കാൻ യന്ത്രങ്ങൾ ഉപയോഗിക്കണം. ഇവ കൈകാര്യം ചെയ്യാൻ തൊഴിലാളികളെ പരിശീലിപ്പിക്കണമെന്നും കോടതി പരാമർശിച്ചു.