വീണ്ടും മഴ മുന്നറിയിപ്പ്, ഇന്ന് എട്ട് ജില്ലകളിൽ യെല്ലോ അലർട്ട്, നാളെയും മറ്റന്നാളും സംസ്ഥാനമാകെ അതിതീവ്ര മഴ

രണ്ട് ദിവസത്തെ ഇടവേളയ്ക്ക് ശേഷം സംസ്ഥാനമാകെ വീണ്ടും മഴ കനക്കുന്നു. തിരുവനന്തപുരം മുതൽ ഇടുക്കി വരെയും പാലക്കാട്ടും ഇന്ന് യെല്ലോ അലർട്ട് പ്രഖ്യാപിച്ചു. നാളെയും മറ്റന്നാളും സംസ്ഥാനമാകെ കനത്ത മഴയാണ് പ്രതീക്ഷിക്കുന്നത്.

നാളെ തിരുവനന്തപുരം,പത്തനംതിട്ട,കോട്ടയം,ഇടുക്കി,എറണാകുളം,തൃശൂർ,പാലക്കാട്, മലപ്പുറം,കോഴിക്കോട്,വയനാട് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. കൊല്ലം, ആലപ്പുഴ,കാസർകോട് ജില്ലകളിൽ യെല്ലോ അലർട്ട് ആയിരിക്കും.

മറ്റന്നാൾ തിരുവനന്തപുരം മുതൽ വയനാട് വരെയുള്ള ജില്ലകളിൽ ഓറഞ്ച് അലർട്ടാണ്. കണ്ണൂർ,കാസർക്കോട് ജില്ലകളിൽ എല്ലോ അലർട്ട് ആയിരിക്കും. വെള്ളിയാഴ്‌ച്ച കാസർക്കോട് ഒഴികെയുള്ള ജില്ലകളിൽ ജാഗ്രതാനിർദേശം ന‌ൽകിയിട്ടുണ്ട്.