മഴയെ തുടര്‍ന്ന് ഇന്ന് അവധി പ്രഖ്യാപിച്ച ജില്ലകള്‍

കാലവര്‍ഷ കാറ്റിന്റെ ശക്തി കൂടിയാണ് സംസ്ഥാനത്തെ നിലയ്ക്കാത്ത മഴയ്ക്കു കാരണം

സംസ്ഥാനത്ത് ശക്തമായ മഴ തുടരുന്ന സാഹചര്യത്തില്‍ എട്ട് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി. കാസര്‍ഗോഡ്, കോഴിക്കോട്, മലപ്പുറം, വയനാട്, തൃശൂര്‍, പാലക്കാട്, എറണാകുളം, ഇടുക്കി ജില്ലകളിലാണ് അവധി. പ്രൊഫഷണല്‍ കോളേജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്ക് അവധി ബാധകമാണ്. 

കാലവര്‍ഷ കാറ്റിന്റെ ശക്തി കൂടിയാണ് സംസ്ഥാനത്തെ നിലയ്ക്കാത്ത മഴയ്ക്കു കാരണം. വടക്കന്‍ ജില്ലകളിലും മലയോര മേഖലകളിലും അതീവ ജാഗ്രത തുടരണം. ഒറ്റപ്പെട്ട ശക്തമായ മഴയ്ക്കു സാധ്യതയുള്ളതിനാല്‍ ഇടുക്കി, എറണാകുളം, തൃശൂര്‍, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ ഇന്ന് യെല്ലോ അലര്‍ട്ട് പുറപ്പെടുവിച്ചിട്ടുണ്ട്.