കനത്ത മഴയെ തുടർന്ന് മരം കടപുഴകി വീണ് വീടിനുള്ളിൽ ഉറങ്ങി കിടക്കുകയായിരുന്ന വീട്ടമ്മ മരിച്ചു. മലപ്പുറം വാഴയരിലാണ് സംഭവം. ചെലാട്ട് മൂല കോയ പുറത്ത് ജാനകി ആണ് മരിച്ചത്. വീട്ടിന്‍റെ മുകളിൽ ഇന്ന് പുലർച്ച 4 മണിക്ക് ശക്തമായ കാറ്റിൽ പന വീഴുകയായിരുന്നു.
ജില്ലയിൽ ശക്തമായ മഴ തുടരുകയാണ്. നിലമ്പൂർ കെഎൻ ജി റോഡ് വെള്ളത്തിനടിയിലായി. കണ്ണൂരിലും ശക്തമായ മഴ തുടരുകയാണ്. ഇരിട്ടി- വീരാജ് പേട്ട റോഡിലൂടെയുള്ള ഗതാഗതം പൂർണ്ണമായും തടസ്സപ്പെട്ടിരിക്കുകയാണ്. ഇതോടെ ഗതാഗതം മാനന്തവാടി വഴി തിരിച്ചുവിട്ടു.
