Publish Date: Sat, 13 Jun 2020 (17:35 IST)
Updated Date: Sat, 13 Jun 2020 (17:39 IST)
സംസ്ഥാനത്ത് ജൂണ് 16വരെ ശക്തമായ മഴ തുടരുമെന്ന് കാലാവസ്ഥ നിരീക്ഷണകേന്ദ്രം അറിയിച്ചു. അതേസമയം ഇന്ന് എട്ടുജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. സംസ്ഥാനത്ത് അടുത്ത ദിവസങ്ങളിലും ശക്തമായ മഴ തുടരാന് സാധ്യതയുണ്ടെന്ന് കാലാവസ്ഥ നിരീക്ഷണകേന്ദ്രം മുന്നറിയിപ്പ് നല്കി .മധ്യകേരളത്തിലും വടക്കന് കേരളത്തിലും ഇന്ന് മഴ കനത്തേക്കും.കോട്ടയം , എറണാകുളം, ഇടുക്കി,തൃശ്ശൂര്,കോഴിക്കോട്, വയനാട്, കണ്ണൂര്,കാസര്ഗോഡ്, ജില്ലകളില് യല്ലോ അലര്ട്ട് പ്രഖ്യാപിച്ചു .
നാളെ കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിട്ടുള്ളത്. ശക്തമായ കാറ്റിനും മഴയ്ക്കും സാധ്യതയുണ്ടെന്നും മത്സ്യബന്ധനത്തിന് പോകരുതെന്നും മുന്നറിയിപ്പ് നല്കിയിട്ടുണ്ട്.
