സംസ്ഥാനത്ത് എട്ടാംതിയതി വരെ ഇടിമിന്നലോട് കൂടിയമഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. കൂടാതെ ഇന്ന് ഒരു ജില്ലയില്‍ യെല്ലോ അലര്‍ട്ട് പ്രഖ്യാപിക്കുകയും ചെയ്തിട്ടുണ്ട്. വയനാട് ജില്ലയിലാണ് ഇന്ന് യെല്ലോ അലര്‍ട്ട്. അതേസമയം നാളെ പത്തനംതിട്ട, വയനാട് ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്.
ശക്തമായ കാറ്റിനും ഇടിമിന്നലിനും സാധ്യതയുള്ളതിനാല്‍ ജനങ്ങള്‍ ജാഗ്രത പാലിക്കണമെന്ന് മുന്നറിയിപ്പുണ്ട്. അന്തരീക്ഷം മേഘാവൃതമായാല്‍ തുറസായ സ്ഥലങ്ങളിലോ ടെറസിനുമുകളിലോ നില്‍ക്കാന്‍ പാടുള്ളതല്ല.