കൊവിഡ് പരിശോധിക്കാന്‍ പറഞ്ഞതില്‍ പ്രകോപിതരായി യുവാക്കള്‍ ആശുപത്രി ജീവനക്കാരെ മര്‍ദ്ദിച്ചു; ഒളിവിലായിരുന്ന യുവാക്കള്‍ പിടിയില്‍

കൊവിഡ് പരിശോധിക്കാന്‍ പറഞ്ഞതില്‍ പ്രകോപിതരായി ആശുപത്രി ജീവനക്കാരെ മര്‍ദ്ദിച്ച ശേഷം ഒളിവിലായിരുന്ന യുവാക്കള്‍ പിടിയില്‍. തൊടുപുഴ കല്ലൂര്‍ക്കാട് താണിക്കുന്നേല്‍ ജോബിന്‍(21), കുമാരമംഗലം ഉരിയരിക്കുന്ന് മേക്കുഴിക്കാട്ട് അഖില്‍(21) വലിയപാറയില്‍ വിനില്‍കുമാര്‍(22) എന്നിവരാണ് അറസ്റ്റിലായത്. പനിബാധിച്ച സുഹൃത്തുമായി ഇവര്‍ ആശുപത്രിയില്‍ എത്തുകയായിരുന്നു. 

നേഴ്‌സ് കൊവിഡ് പരിശോധിക്കാന്‍ ആവശ്യപ്പെട്ടത് ഇവര്‍ക്ക് ഇഷ്ടപ്പെട്ടില്ല. തിരികെ പോയ ശേഷം ഇവര്‍ കമ്പിവടിയുമായി എത്തി സുരക്ഷാ ജീവനക്കാരെയും നേഴ്‌സുമാരേയും ആക്രമിക്കുകയായിരുന്നു. സംഭവത്തിനു ശേഷം ഇവര്‍ ഒളിവിലായിരുന്നു.