തദ്ദേശ തിരഞ്ഞെടുപ്പില്‍ കാഞ്ചിയാര്‍ പഞ്ചായത്തിലെ 15വാര്‍ഡില്‍ ഒന്‍പതിലും ജയിച്ചത് എല്‍ഡിഎഫ് ആയിരുന്നു. എന്നാല്‍ പഞ്ചായത്ത് പ്രസിഡന്റാകാനുള്ള യോഗം ഒരു വാര്‍ഡ് മാത്രം കിട്ടിയ ബിജെപിക്കാണ്. പട്ടികജാതി വിഭാഗത്തിന് പ്രസിഡന്റ് സ്ഥാനം സംവരണം ചെയ്ത പഞ്ചായത്തായതിനാലാണ് ഇത്തരമൊരു അവസരം ബിജെപിക്ക് ലഭിച്ചത്. ഈ വിഭാഗത്തില്‍ പെട്ടവര്‍ എല്‍ഡിഎഫിന്റെ പക്ഷത്തുനിന്ന് മത്സരിച്ചെങ്കിലും വിജയിച്ചില്ല.
15 വാര്‍ഡില്‍ നാലുപേരാണ് ഈ വിഭാഗത്തില്‍ നിന്ന് മത്സരിച്ചത്. എന്നാല്‍ ഈ വിഭാഗത്തില്‍ ബിജെപി സ്ഥാനാര്‍ത്ഥി കെസി സുരേഷ് മാത്രമാണ് വിജയിച്ചത്. അടുത്ത പഞ്ചായത്ത് പ്രസിഡന്റും കെസി സുരേഷ് തന്നെ.
