മൂവാറ്റുപുഴയില്‍ സ്ത്രീകളെ കടന്നുപിടിച്ചെന്ന പരാതിയില്‍ രണ്ടുപോലീസുകാരെ കസ്റ്റഡിയിലെടുത്തു

മൂവാറ്റുപുഴയില്‍ സ്ത്രീകളെ കടന്നുപിടിച്ചെന്ന പരാതിയില്‍ രണ്ടുപോലീസുകാരെ കസ്റ്റഡിയിലെടുത്തു. മൂവാറ്റുപുഴ പൊലീസ് സ്റ്റേഷനിലെ രണ്ടുപൊലീസുകാരെയാണ് കസ്റ്റഡിയിലെടുത്തത്. രാമമംഗലം പൊലീസാണ് ഇവരെ കസ്റ്റഡിയിലെടുത്തത്. അരീക്കല്‍ വെള്ളച്ചാട്ടം കാണാന്‍ വന്നവരോട് പൊലീസ് അപമര്യാദയായി പെരുമാറുകയായിരുന്നു. പിന്നാലെ പൊലീസുകാരെ നാട്ടുകാര്‍ തടഞ്ഞുവച്ച് മര്‍ദ്ദിച്ചു.

ഇതിന്റെ ദൃശ്യങ്ങള്‍ പുറത്തുവന്നിരുന്നു. ഈ പൊലീസുകാരും വെള്ളച്ചാട്ടം കാണാനെത്തിയതായിരുന്നു. ഇവര്‍ മദ്യപിച്ചിരുന്നു.