‘ശബരിമലയില്‍ ഞാന്‍ പെട്ടെന്ന് എത്തിയെന്ന് കളിയാക്കി...ഇപ്പൊ ഞാന്‍ ലേറ്റ് ആയെന്ന് പ്രശ്നം...സത്യത്തില്‍ ഞാന്‍ എന്ത് ചെയ്താലും പ്രശ്നമാണല്ലോ?; കണ്ണന്താനത്തിന് സോഷ്യല്‍ മീഡിയയില്‍ ട്രോളുകള്‍

ഓടിയാല്‍ ട്രോള്‍...വിമാനത്തില്‍ തെറിവിളി...കൊല്ലാം, പക്ഷേ തോല്‍പ്പിക്കാനാവില്ല...; കണ്ണന്താനത്തിന് സോഷ്യല്‍ മീഡിയയില്‍ ട്രോളുകള്‍

കേന്ദ്രമന്ത്രി അല്‍ഫോന്‍സ് കണ്ണന്താനത്തിന് സോഷ്യല്‍ മീഡിയയില്‍ ട്രോളുകളുടെ പൊടിപൂരം. മന്ത്രി സ്ഥാനം ഏറ്റെടുത്തത് മുതല്‍ അദ്ദേഹം ട്രോളന്മാരുടെ സ്ഥിരം ഇരയാണ്. ഇംഫാല്‍ വിമാവനത്താവളത്തില്‍ ലേഡി ഡോക്ടറുടെ വക ചീത്ത കേള്‍ക്കേണ്ടി വന്നതാണ് ട്രോളന്മാര്‍ ഇപ്പോള്‍ ഏറ്റെടുത്തിരിക്കുന്നത്.

വൈകി എത്തിയതിനെ തുടര്‍ന്ന് വിമാനം താമസിച്ച സംഭവത്തില്‍ കേന്ദ്രടൂറിസം മന്ത്രി അൽഫോൺസ് കണ്ണന്താനത്തിന് നേരെ യുവതിയുടെ രോഷപ്രകടനമായിരുന്നു ഇന്നലെ ഉണ്ടായത്. വൈകിയെത്തിയ മന്ത്രിക്ക് വേണ്ടി വിമാനം ഏറെനേരം കാത്തുകിടന്നതാണ് വനിതാ ഡോക്ടറെ ചൊടിപ്പിച്ചത്. യുവതി കണ്ണന്താനത്തോട് ക്ഷുഭിക്കുന്ന ദൃശ്യങ്ങള്‍ പുറത്തുവന്നിരുന്നു.