ജനങ്ങൾ ഇനിയും ഉണരണം, കേരളത്തിലെ ജനങ്ങൾ എന്നെ പിന്തുണയ്ക്കുന്നുണ്ട്: കേരളത്തിലേക്ക് വരാനുള്ള കാരണം വ്യക്തമാക്കി ഇറോം
''നിങ്ങളാണ് കാരണം, കേരളത്തിലെ ജനങ്ങൾ'': ഇറോം ശർമിള
ഇത്തവണത്തെ തെരഞ്ഞെടുപ്പിൽ ദയനീയമായി പരാജയപ്പെട്ടത് ആരാണെന്ന് ചോ‌ദിച്ചാൽ എല്ലാവരും പറയുക ഒരേ പേരുതന്നെ ആയിരിക്കും - ഇറോം ശർമിള. പരാജയത്തെ തുടർന്ന് താൻ മണിപ്പൂരിൽ നിന്നും വിട്ടുനിൽക്കുകയാണെന്നും തന്റെ യാത്ര കേരളത്തിലേക്കാണെന്നും മണിപ്പൂരിന്റെ ഉരുക്ക് വനിത വ്യക്തമാക്കിയിരുന്നു.
മണിപ്പൂരില്‍ ബി ജെ പി നേടിയ ജയം പണത്തിന്റേയും മസില്‍പവറിന്റെയും കരുത്തിലാണെന്ന് ഇറോം പറയുന്നു. മണിപൊപൂരിലെ ജനങ്ങള്‍ ഇനിയും വളരേണ്ടതുണ്ട്. അതുകൊണ്ടാണ് തെരഞ്ഞെടുപ്പില്‍ നിന്നും ജനങ്ങള്‍ തന്നെ കൈവിട്ടത്. ജനങ്ങള്‍ ഉണരേണ്ട ഘട്ടമെത്തിയിരിക്കുന്നു. കേരളത്തിലെ ജനങ്ങള്‍ തന്നെ പിന്തുണക്കുന്നുണ്ട്. അതുകൊണ്ടാണ് അവധിക്കാലം ചെലവഴിക്കാന്‍ ഇങ്ങോട്ട് എത്തിയത്. ഇറോം പറയുന്നു.
തെരഞ്ഞെടുപ്പിൽ പരാജയപ്പെട്ട ഇറോം ശര്‍മ്മിള രാഷ്ട്രീയ പ്രവര്‍ത്തനം അവസാനിപ്പിക്കുന്നതായി നേരത്തെ പ്രഖ്യാപിച്ചിരുന്നു. ഇതിന് പിന്നാലെയാണ് കേരളത്തിലേക്ക് എത്തിയത്. ഒരു മാസത്തോളം പാലക്കാട്ടെ അട്ടപ്പാടിയിലെ ശാന്തി ആശ്രമത്തില്‍ ഇറോം ശര്‍മ്മിള ഉണ്ടാകുമെന്നാണ് വിവരങ്ങള്‍. കേരളത്തില്‍ എത്തിയശേഷം മാധ്യമങ്ങളോട് സംസാരിക്കവെയാണ് അവര്‍ എന്തുകൊണ്ടാണ് കേരളത്തിലേക്ക് വരാൻ കാരണമെന്ന് വ്യക്തമാക്കിയത്.
