Jio Outage:ചത്ത്, ചത്ത്, ചത്ത്.. അംബാനി ചതിച്ചു ഗയ്സ്, റെയ്ഞ്ച് കിട്ടാതെ പരക്കം പാഞ്ഞ് ജിയോ ഉപഭോക്താക്കൾ

Jio Outage

ഇന്ത്യയാകെ തരംഗം സൃഷ്ടിച്ച മൊബൈല്‍ നെറ്റ്വര്‍ക്ക് കമ്പനിയാണ് ജിയോ. ഇന്ത്യയെ ഒന്നാകെ ഇന്റര്‍നെറ്റ് ഉപയോഗിക്കാന്‍ പഠിപ്പിച്ചത് ജിയോ ആണെന്ന് പറഞ്ഞാല്‍ പോലും തെറ്റില്ല. അങ്ങനെ ഒരു ലോകത്ത് ജിയോ പണിമുടക്കിയാല്‍ എന്താകും സംഭവിക്കുക. തീര്‍ച്ചയായും ജനങ്ങള്‍ പരക്കം പായും റെയ്ഞ്ച് നോക്കി വീടിന്റെ തട്ടിന്റെ മുകളിലും മരത്തിന് മുകളിലും മലയ്ക്ക് മുകളിലും കയറും. എന്നാല്‍ അതെല്ലാം തന്നെയാണ് കഴിഞ്ഞ കുറച്ച് മണിക്കൂറുകളായി കേരളത്തിലും സംഭവിക്കുന്നത്. ജിയോ നെറ്റ്വര്‍ക്ക് ഒന്നടങ്കം അടിച്ചുപോയി പരക്കം പാച്ചിലിലാണ് ഉപഭോക്താക്കള്‍.

ജിയോ സിം, ബ്രോഡ്ബാന്‍ഡ്, ഇന്റര്‍നെറ്റ് എല്ലാം പോയി, സ്വന്തം ഫോണിന്റെ പ്രശ്‌നമാണെന്ന് കരുതി ഉപഭോക്താക്കള്‍ പരക്കം പാഞ്ഞ് ഒടുവില്‍ എക്‌സിലെത്തിയപ്പോഴാണ് എല്ലാം അടിച്ചുപോയതാണെന്ന് മനസിലാകുന്നത്. കേരളത്തില്‍ മുഴുവനായി ജിയോ പോയത് എക്‌സിലൂടെയാണ് ഉപഭോക്താക്കള്‍ അറിയിച്ചത്. ഇതിനകം തന്നെ നിരവധി ട്രോളുകളും മീമുകളും കൊണ്ട് സോഷ്യല്‍ മീഡിയ നിറഞ്ഞുകഴിഞ്ഞു. ഇലയിട്ട് ഊണില്ല എന്നത് പോലെ ഈ ഫോണും പൊക്കി പിടിച്ചു നടക്കുന്നത് ഇനി എന്തിനാ... ഇതാണോ അംബാനി സ്വപ്നം കണ്ട ഡിജിറ്റല്‍ ഇന്ത്യ എന്ന് തുടങ്ങി ചിരിപടര്‍ത്തുന്ന കമന്റുകളാണ് സോഷ്യല്‍ മീഡിയയില്‍ നിറയെ.