ആളൂര്‍ കേസ് മുഴുവനായി പഠിച്ചില്ല; ജിഷ വധക്കേസ് വിചാരണ ആരംഭിക്കുന്നത് ഡിസംബറിലേക്ക് മാറ്റി

ജിഷ വധക്കേസ്: വിചാരണ ആരംഭിക്കുന്നത് ഡിസംബര്‍ അഞ്ചിലേക്ക് മാറ്റി

വിവാദമായ പെരുമ്പാവൂര്‍ ജിഷ വധക്കേസില്‍ വിചാരണ ആരംഭിക്കുന്നത് ഡിസംബര്‍ അഞ്ചിലേക്ക് മാറ്റി. കേസില്‍ ഇന്ന് വിചാരണ ആരംഭിക്കാനായിരുന്നു തീരുമാനിച്ചിരുന്നത്. എന്നാല്‍, പ്രതിയായ അമീര്‍ ഉള്‍ ഇസ്ലാമിനു വേണ്ടി ഹാജരായ അഡ്വ ബി എ ആളൂര്‍ കൂടുതല്‍ സമയം ആവശ്യപ്പെടുകയായിരുന്നു.

രേഖകള്‍ ശേഖരിക്കുന്നതിനു വേണ്ടിയായിരുന്നു ആളൂര്‍ കൂടുതല്‍ സമയം ആവശ്യപ്പെട്ടത്. ഇത് അംഗീകരിച്ച കോടതി വിചാരണ ആരംഭിക്കുന്നത് ഡിസംബര്‍ അഞ്ചിലേക്ക് മാറ്റുകയായിരുന്നു.

നിയമപരമായി ലഭിക്കേണ്ട പല രേഖകളും പ്രതിഭാഗത്തിന് ഇതുവരെ ലഭിച്ചിട്ടില്ല. ഇക്കാരണത്താല്‍, ഈ രേഖകള്‍ ശേഖരിക്കാനും അവ പഠിക്കാനും സമയം വേണമെന്നുമായിരുന്നു ആളൂര്‍ കോടതിയില്‍ ബോധിപ്പിച്ചത്.

അതേസമയം, ജിഷ വധക്കേസില്‍ തുടരന്വേഷണം വേണമെന്ന് ആവശ്യപ്പെട്ട് ജിഷയുടെ പിതാവ് പാപ്പു സമര്‍പ്പിച്ച ഹര്‍ജിയില്‍ നവംബര്‍ പത്തിന് വിധി പറയും.