മിഷേലിന്റേത് ദുരൂഹതകൾ നിറഞ്ഞ മരണം; പോസ്റ്റ്മോർട്ടം റിപ്പോർട്ട് പുറത്ത്, ഒരാൾ കസ്റ്റഡിയിൽ
സുഹൃത്തുക്കൾ ആണയിട്ട് പറയുന്നു, അവൾ അങ്ങനെ ചെയ്യില്ല; മിഷേലിന് നീതി ലഭിക്കണം
സി ഐ വിദ്യാർത്ഥിനി മിഷേൽ ഷാജി വർഗീസിന്റെ മരണവുമായി ബന്ധപ്പെട്ട് ഒരാൾ പൊലീസ് കസ്റ്റഡിയിൽ. കഴിഞ്ഞ കുറേ ദിവസങ്ങളായി മിഷേലിനെ പിന്തുടർന്ന തലശേരി സ്വദേശിയെയാണ് പൊലീസ് കസ്റ്റഡിയിൽ എടുത്തിരിക്കുന്നത്.
അതിനിടെ പുറത്തുവന്ന പോസ്റ്റ്മോർട്ടം റിപ്പോർട്ടിൽ പറയുന്നത് മിഷേലിന്റേത് ഒരു മുങ്ങിമരണമാണ് എന്നാണ്. മിഷേൽ ഒരു കാരണവശാലും ആത്മഹത്യ ചെയ്യില്ല എന്ന നിലപാടിലാണ് ബന്ധുക്കൾ. മിഷേലിന്റേത് കൊലപാതകമാണെന്ന് കാണിച്ച് കുടുംബാംഗങ്ങൾ മുഖ്യമന്ത്രിയ്ക്ക് പരാതി നൽകിയിരുന്നു.
മിഷേലിന്റെ സുഹൃത്തുക്കളുടെ മൊഴിയില്‍ പറയുന്ന മറ്റൊരാളെയും പോലീസ് അന്വേഷിക്കുന്നുണ്ട്. ആത്മഹത്യയെന്ന് പറഞ്ഞ് കേസ് എഴുതിത്തള്ളാന്‍ പോലീസ് ധൃതികാണിക്കുകയാണെന്ന് വീട്ടുകാര്‍ കുറ്റപ്പെടുത്തുന്നു. പഠനത്തിലടക്കം എല്ലാ കാര്യങ്ങളിലും മിടുക്കിയായിരുന്ന മിഷേല്‍ ആത്മഹത്യ ചെയ്യില്ലെന്ന് സുഹൃത്തു‌ക്കളും ആണയിട്ട് പറയുന്നു.
