നടന്‍ ദിലീപും അബിയുമായുള്ള ബന്ധം വര്‍ഷങ്ങള്‍ പഴക്കമുള്ളതാണ്. മിമിക്രി അവതരിപ്പിക്കുന്ന കാലംമുതല്‍ തുടങ്ങിയതാണ് ഇവര്‍ തമ്മിലുള്ള ബന്ധമെന്നാണ് പുറത്ത് വരുന്ന വിവരം. നടി ആക്രമണക്കേസില്‍ ദിലീപിന്റെ മുന്‍കാല ചരിത്രം അറിയാന്‍ പലരും സമീപിച്ചത് അബിയെ ആയിരുന്നു.
മഞ്ജുവിന് മുന്‍പ് ദിലീപ് മറ്റൊരു വിവാഹം ചെയ്തുവോ എന്ന കാര്യം അറിയുവാനാണ് അബിയെ പലരും സമീപച്ചത്. എന്നാല്‍ അബിയില്‍ നിന്നും കാര്യമായ വിവരങ്ങള്‍ ആര്‍ക്കും ലഭിച്ചില്ല. ദിലീപ് ആദ്യവിവാഹം ചെയ്തില്ലെന്ന രീതിയിലായിരുന്നു അബിയുടെതെന്ന രീതിയില്‍ പ്രതികരണം വന്നത്.
അബി വിടവാങ്ങിയതോടെ ദിലീപിന്റെ രഹസ്യങ്ങളും മറവിലാകും. ഉറ്റ സുഹൃത്തായിരുന്ന ദിലീപിനെതിരെ അബി ഒരിക്കലും മൊഴിനല്‍കുമായിരുന്നില്ലെന്നുറപ്പാണ്. നാദിര്‍ഷ, ദിലീപ്, കലാഭവന്‍ മണി, ഹരിശ്രീ അശോകന്‍ എന്നിവര്‍ക്കൊപ്പം വേദികള്‍ പങ്കിട്ട അബിക്ക് അര്‍ഹിച്ച സ്ഥാനം ഒരിക്കലും ലഭിച്ചിരുന്നില്ലെങ്കിലും സുഹൃത്തുക്കളുമായുള്ള ബന്ധം സൂക്ഷിക്കുന്നതില്‍ ഒരുകാലത്തും പിണക്കം കാട്ടിയിരുന്നില്ല. ദിലീപ് നടിയെ ആക്രമിച്ച കേസില്‍ അറസ്റ്റിലായപ്പോഴും ദിലീപിനെതിരെ പ്രതികരിച്ചില്ലെന്നതും ശ്രദ്ധേയമാണ്.