ശബരിമലയിലെ യുവതീപ്രവേശത്തിനു പിന്നില്‍ സിപിഎം ആണെന്ന് കനകദുർഗയുടെ സഹോദരൻ ഭരത്‌ഭൂഷൺ.
ഗൂഢാലോചനയുടെ ഭാഗമായിരുന്നു യുവതീപ്രവേശശനം. കോട്ടയം എസ്‌പി ഹരിശങ്കറാണ് സിപിഎം നേതാക്കളുമായി ചര്‍ച്ചകള്‍ നടത്തിയത്. ഇതിന്റെ ഭാഗമായി കനകദുർഗയെ കണ്ണൂരിലാണ് ഒളിപ്പിച്ചതെന്നും സഹോദരൻ വ്യക്തമാക്കി.
സിപിഎം നേതാക്കൾ പലവട്ടം വിളിച്ചു സംസാരിച്ചിരുന്നു. ശബരിമലയിലെത്താന്‍ സുരക്ഷ നല്‍കാമെന്ന്എസ്‌പി അറിയിച്ചിരുന്നു. അദ്ദേഹമാണ് കൂടുതല്‍ കളികള്‍ കളിച്ചത്. ഇതിന്റെ ശബ്ദരേഖ കൈവശമുണ്ട്. ആ‍വശ്യമെങ്കില്‍ ഈ തെളിവുകള്‍ കോടതിയില്‍ ഹാജരാക്കാന്‍ തയ്യാറാണെന്നും ഭരത്‌ഭൂഷൺ പറഞ്ഞു.
മലപ്പുറം അങ്ങാടിപ്പുറം സ്വദേശിയാണു കനകദുർഗ. ഡിസംബർ 24ന് ഇവർ ശബരിമലയിൽ എത്തിയിരുന്നെങ്കിലും കടുത്ത പ്രതിഷേധം മൂലം മല ചവിട്ടാനായിരുന്നില്ല. ഇന്ന് പുലര്‍ച്ചെ 3.30തോടെയാണ് കനകദുര്‍ഗയും ബിന്ദുവും സന്നിധാനത്ത് എത്തിയത്.