Publish Date: Mon, 01 Nov 2021 (07:46 IST)
Updated Date: Mon, 01 Nov 2021 (07:52 IST)
സംസ്ഥാനത്ത് വ്യാഴാഴ്ചവരെ ഒറ്റപ്പെട്ടയിടങ്ങളില് കനത്ത മഴയ്ക്കും ഇടിമിന്നലിനും സാധ്യതയുള്ളതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കാസര്ഗോഡ്, കണ്ണൂര് ഒഴികെയുള്ള ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്. കഴിഞ്ഞദിവസങ്ങളില് ശക്തമായ മഴലഭിച്ച മലയോര പ്രദേശങ്ങളില് ഓറഞ്ച് മുന്നറിയിപ്പിന് സമാനമായ ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി വ്യക്തമാക്കി. ഉച്ചയ്ക്ക് രണ്ടുമുതല് രാത്രി 10 മണിവരെയുള്ള സമയത്ത് ഇടിമിന്നലിന് സാധ്യത കൂടുതലായതിനാല് ജാഗ്രത പാലിക്കണം. കേരള തീരത്ത് നവംബര് മൂന്ന് വരെയും ലക്ഷദ്വീപ് തീരത്ത് നവംബര് നാല് വരെയും മത്സ്യബന്ധനത്തിനു വിലക്കുണ്ട്.
