കഴിഞ്ഞ നിയമസഭാ തിരഞ്ഞെടുപ്പില്‍ രണ്ടാമതെത്തിയ എന്‍ഡിഎ കഴക്കൂട്ടത്ത് ഇപ്പോള്‍ മൂന്നാം സ്ഥാനത്തായി. കടകംപള്ളി സുരേന്ദ്രനാണ് മുന്നില്‍ നില്‍ക്കുന്നത്. 1400ലധികം വോട്ടകള്‍ക്കാണ് മുന്നിലുള്ളത്. രണ്ടാം സ്ഥാനത്ത് യുഡിഎഫിന്റെ ഡോ. എസ്എസ് ലാല്‍ ആണ്. അടുത്ത മൂന്ന് റൗണ്ട് വോട്ടെണ്ണല്‍ ശോഭാ സുരേന്ദ്രന് നിര്‍ണായകമാണ്. ബിജെപി അനുകൂല പ്രദേശത്തെ വോട്ടുകളാണ് അടുത്ത് എണ്ണുന്നത്.
അതേസമയം തൃശൂരില്‍ സുരേഷ്‌ഗോപി 356 വോട്ടിന് മുന്നിലാണ്. ഇതോടെ എന്‍ഡിഎ മൂന്നിടത്താണ് ലീഡ് ചെയ്യുന്നത്. എല്‍ഡിഎഫ് 85 മണ്ഡലങ്ങളിലും യുഡിഎഫ് 53മണ്ഡലങ്ങളിലും മുന്നിലാണ്.