ഉന്നത വിദ്യാഭ്യാസ മികവിന് ആറിന പദ്ധതി ബജറ്റിൽ പ്രഖ്യാപനം, മൂന്നര ലക്ഷം കുട്ടികളുടെ പഠനസൗകര്യം മെച്ചപ്പെടുത്തും. മികവിന്റെ 30 കേന്ദ്രങ്ങൾ തുടങ്ങുമെന്നും തോമസ് ഐസക് ബജറ്റ് പ്രസംഗത്തിൽ പറഞ്ഞു.
ഒഴിവുകൾ നികത്തുമെന്നും ആയിരം പുതിയ അധ്യാപകരെ നിയമിക്കുമെന്നും മന്ത്രി വ്യക്തമാക്കി. വരുന്ന അഞ്ചുവർഷം കൊണ്ട് ഡിജിറ്റൽ പ്ലാറ്റ്‌ഫോമിൽ 20 ലക്ഷം തൊഴിലവസരങ്ങൾ സൃഷ്ടിക്കും. ആഗോള കമ്പനികളുടെ നൈപുണ്യപരിശീലനം കേരളത്തിൽ ഉറപ്പാക്കുമെന്നും മന്ത്രി പറഞ്ഞു.
സർവകലാശലകളിൽ പശ്ചാത്തല സൗകര്യം ഒരുക്കാൻ കിഫ്‌ബിയിലൂടെ 2000 കോടി നൽകും. 30 ഓട്ടോണമസ് കേന്ദ്രങ്ങൾ സർവകലാശാലകളിൽ ആരംഭിക്കും. കിഫ്‌ബി ഇതിനായി 500 കോടി നൽകും,യുവ ശാസ്ത്രജ്ഞന്മാരെ ആകർഷിക്കാൻ ഒരു ലക്ഷം രൂപയുടെ ഫെല്ലോഷിപ് നൽകും. സർക്കാർ കോളേജുകളുടെ പശ്ചാത്തല വികസനത്തിന് 56 കോടി നൽകുമെന്നും മന്ത്രി പറഞ്ഞു.
