കൊവിഡ് വ്യാപനം: കോളേജുകൾ അടയ്‌ക്കുന്ന കാര്യം പരിഗണനയിൽ: മന്ത്രി ആർ ബിന്ദു

സംസ്ഥാനത്ത് കൊവിഡ് പടർന്ന് പിടിക്കുന്ന സാഹചര്യത്തിൽ കലാലയങ്ങള്‍ അടക്കുന്ന കാര്യം ആലോചിക്കുകയാണെന്ന് ഉന്നതവിദ്യാഭ്യാസ-സാമൂഹ്യനീതി വകുപ്പ് മന്ത്രി ഡോ. ആര്‍. ബിന്ദു. വാര്‍ത്താക്കുറിപ്പിലാണ് മന്ത്രി ഇക്കാര്യം അറിയിച്ചത്.

പഠനം ഓൺലൈനാക്കുന്ന കാര്യം പരിഗണനയിലാണ്.വ്യാഴാഴ്ച ചേരുന്ന കോവിഡ് അവലോകന സമിതിയുടെ നിര്‍ദ്ദേശംകൂടി പരിഗണിച്ചാവും തീരുമാനം. ക്ലസ്റ്ററുകള്‍ രൂപപ്പെട്ടാല്‍ പതിനഞ്ച് ദിവസത്തേക്ക് അടച്ചിടാന്‍ പ്രിൻസിപ്പൽമാർക്ക് നിർദേശം നൽകി‌യതായും മന്ത്രി ഡോ, ബിന്ദു അറിയിച്ചു.