സംസ്ഥാനത്ത് കൊവിഡ് രോഗികള്‍ വര്‍ധിക്കുന്നതോടൊപ്പം രോഗത്തിന്റെ ഉറവിടം മനസിലാക്കാന്‍ സാധിക്കാത്തത് വലിയ ഭീഷണിയാണെന്ന് ദുരന്തനിവാരണ അതോറിറ്റി അറിയിച്ചു. ഈ സാഹചര്യത്തില്‍ മുന്നോട്ടുപോയാല്‍ ഓഗസ്റ്റ് പകുതിയാകുമ്പോഴേക്കും സംസ്ഥാനത്ത് കൊവിഡ് രോഗികളുടെ എണ്ണം ലക്ഷം കടക്കുമെന്ന് ദുരന്തനിവാരണ അതോറിറ്റി അറിയിച്ചു.
നിലവില്‍ 72 രോഗികളുടെ ഉറവിടമാണ് കണ്ടെത്താന്‍ കഴിയാത്തത്. വേണ്ടത്ര ചികിത്സാ സൗകര്യങ്ങളില്ലാത്ത ജില്ലകളില്‍ രോഗികളുടെ എണ്ണം താങ്ങാന്‍ കഴിയാത്ത അവസ്ഥയിലെത്തുമെന്നും മുന്നറിയിപ്പുണ്ട്. എല്ലാനിയന്ത്രണങ്ങളും പാളിയാല്‍ രോഗികളുടെ എണ്ണം ഓഗസ്‌റ്റോടെ രണ്ടുലക്ഷം കടക്കുമെന്നും പറയുന്നു.
