Publish Date: Wed, 27 Jan 2021 (18:58 IST)
Updated Date: Wed, 27 Jan 2021 (19:00 IST)
ഫെബ്രുവരി പകുതിയോടെ രോഗവ്യാപനം സംസ്ഥാനത്ത് കാര്യമായി കുറയ്ക്കാന്. കൊവിഡ് കേസുകള് വര്ധിച്ചുവരുന്നതിനാല് നിയന്ത്രണങ്ങള് കര്ശനമാക്കാന് കോവിഡ് അവലോകന യോഗത്തില് തീരുമാനമായി. കോവിഡ് ടെസ്റ്റുകളുടെ എണ്ണം പ്രതിദിനം ഒരു ലക്ഷമായി വര്ധിപ്പിക്കണമെന്ന് മുഖ്യമന്ത്രി നിര്ദേശിച്ചു. ഇതില് 75 ശതമാനം ആര്ടിപിസിആര് പരിശോധനയായിരിക്കും.
അതിഥി തൊഴിലാളികള് താമസിക്കുന്ന ക്യാമ്പുകള്, കശുവണ്ടി ഫാക്ടറി പോലെ തൊഴിലാളികള് ഒന്നിച്ചിരുന്ന് ജോലി ചെയ്യുന്ന കേന്ദ്രങ്ങള്, വയോജന കേന്ദ്രങ്ങള് എന്നിവിടങ്ങളില് എല്ലാവരേയും ടെസ്റ്റ് ചെയ്യും. തദ്ദേശസ്വയംഭരണ സ്ഥാപനങ്ങളില് പുതിയ ഭാരവാഹികള് ചുമതലയേറ്റ സാഹചര്യത്തില് കോവിഡ് പ്രതിരോധത്തിനുള്ള വാര്ഡുതല സമിതികള് വാര്ഡ് അംഗത്തിന്റെ നേതൃത്വത്തില് പുനഃസംഘടിപ്പിക്കും.
നിയന്ത്രണങ്ങള് കര്ക്കശമാക്കുന്നുണ്ടെങ്കിലും തൊഴിലെടുക്കുന്നതിനും ജീവിതോപാധിയുമായി ബന്ധപ്പെട്ട മറ്റു കാര്യങ്ങള്ക്കും തടസ്സമുണ്ടാകില്ല. ജില്ലാ പഞ്ചായത്ത് പ്രസിഡന്റുമാരെയും കോവിഡ് പ്രതിരോധത്തിന്റെ ഭാഗമാക്കണം. ബോധവല്ക്കരണം ശക്തമാക്കാനും യോഗം തീരുമാനിച്ചു.
