രണ്ടാം വന്ദേഭാരത് ഞായറാഴ്ച മുതൽ, ആലപ്പുഴ വഴി, സമയക്രമം

കേരളത്തിന് ഓണസമ്മാനമായി ലഭിച്ച രണ്ടാമത്തെ വന്ദേഭാരത് എക്‌സ്പ്രസ് ഞായറാഴ്ച സര്‍വീസ് ആരംഭിക്കും. കാസര്‍കോട് തിരൂവനന്തപുരം റൂട്ടില്‍ ആലപ്പുഴ വഴിയായിരിക്കും സര്‍വീസ്. നേരത്തെ അനുവദിച്ച വന്ദേഭാരത് എക്‌സ്പ്രസ് കോട്ടയം വഴിയാണ് സര്‍വീസ് നടത്തുന്നത്. ഞായറാഴ്ച വന്ദേഭാരത് ഉള്‍പ്പടെ രാജ്യത്ത് 9 ട്രെയിനുകള്‍ പ്രധാനമന്ത്രി ഫ്‌ളാഗ് ഓഫ് ചെയ്യുമെന്നാണ് റിപ്പോര്‍ട്ടുകള്‍.

രാവിലെ ഏഴ് മണിക്ക് കാസര്‍കോട് നിന്ന് സര്‍വീസ് തുടങ്ങി വൈകീട്ട് 3:05ന് തിരുവനന്തപുരത്തെത്തുന്ന സര്‍വീസാണ് രണ്ടാം വന്ദേഭാരതിനായി നിശ്ചയിച്ചിരിക്കുന്നത് എന്നാണ് റിപ്പോര്‍ട്ടുകള്‍. വൈകീട്ട് 4:05നാണ് മടക്കയാത്ര. കണ്ണൂര്‍,കോഴിക്കോട്,ഷൊര്‍ണൂര്‍,തൃശൂര്‍,എറണാകുളം ജംഗ്ഷന്‍, ആലപ്പുഴ,കൊല്ലം സ്‌റ്റോപ്പുകളാണ് പരിഗണനയിലുള്ളത്. 8 മണീക്കൂര്‍റാണ് കാസര്‍കോട് തിരുവനന്തപുരം യാത്രയ്ക്ക് എടുക്കുന്ന സമയം. ആഴ്ചയില്‍ 6 ദിവസമായിരിക്കും സര്‍വീസ് നടക്കുക.