കുടുംബത്തോടൊപ്പം താമസിച്ചിരുന്ന ഫ്‌ളാറ്റിന്റെ ഇരുപത്തിയാറാം നിലയില്‍ നിന്നും മിഹിര്‍ അഹമ്മദ് (15) എന്ന സ്‌കൂള്‍ വിദ്യാര്‍ഥി താഴേക്ക് ചാടി ആത്മഹത്യ ചെയ്യാന്‍ കാരണമായത് സഹപാഠികളുടെ ക്രൂരമായ റാങ്ങിങ്ങ് കാരണമാണെന്ന ആരോപണവുമായി മിഹിറിന്റെ കുടുംബം. ഇത് സംബന്ധിച്ച് തെളിവുകളടക്ക്ം നിരത്തി കുടുംബം പോലീസില്‍ പരാതി നല്‍കി.
ജനുവരി 15നായിരുന്നു മിഹിര്‍ ഫ്‌ളാറ്റില്‍ നിന്നും താഴേക്ക് ചാടി ആത്മഹത്യ ചെയ്ഠത്. ചോറ്റാനിക്കരയ്ക്കടുത്ത് തിരുവാണിയൂരുള്ള സ്വകാര്യ സ്‌കൂളിലെ ഒന്‍പതാം ക്ലാസ് വിദ്യാര്‍ഥിയായിരുന്നു. മിഹിറിന് സ്‌കൂളില്‍ വെച്ച് നിരന്തരം സഹപാഠികളില്‍ നിന്നും റാഗിങ്ങ് ഏല്‍ക്കേണ്ടതായി വന്നെന്നാണ് കുടുംബം പരാതിയില്‍ പറയുന്നത്. സ്‌കൂളിലെ കുട്ടികള്‍ മിഹിറിനെ ബസില്‍ വെച്ച് ക്രൂരമായി മര്‍ദ്ദിച്ചു. വാഷ് റൂമില്‍ കൊണ്ടുപോയി ക്ലോസറ്റ് നക്കിച്ചു. മുഖം പൂഴ്ത്തിവെയ്ക്കുകയും ഫ്‌ളഷ് ചെയ്യുകയും ചെയ്തു. ഇതിനെ തുടര്‍ന്നുണ്ടായ മാനസിക, ശാരീരിക പീഡനം സഹിക്കവെയ്യാതെയാണ് ഒടുവില്‍ മിഹിര്‍ ജീവനൊടുക്കിയതതെന്ന് മാതാവിന്റെ പരാതിയില്‍ പറയുന്നു.
ഇത് സമൂഹമാധ്യമങ്ങളിലും ഇവര്‍ പങ്കുവെച്ചു. ജനുവരി 15ന് എന്റെ കുടുംബത്തില്‍ നടന്ന ദാരുണ സംഭവത്തിന്റെ പിന്നാമ്പുറ വിവരങ്ങള്‍ പുറം ലോകം അറിയണമെന്നും തങ്ങള്‍ക്ക് നീതി ലഭിക്കാന്‍ പൊതുസമൂഹം കൂടെ നില്‍ക്കണമെന്നുള്ള ഉദ്ദേശത്തോട് കൂടിയാണ് ഇതിന് മുതിരുന്നതെന്ന് ആമുഖത്തോടെയാണ് കുറിപ്പ് പങ്കുവെച്ചിരിക്കുന്നത്.
