കൊച്ചിയില്‍ പൊലീസ് ഉദ്യോഗസ്ഥന് കൊവിഡ് സ്ഥിരീകരിച്ചു. ഇതേതുടര്‍ന്ന് സ്‌റ്റേഷനില്‍ ഇദ്ദേഹത്തോടൊപ്പം സമ്പര്‍ക്കത്തില്‍ വന്നുവെന്ന് സംശയിക്കുന്ന പത്തുപൊലീസുകാരുടെ സ്രവം കൊവിഡ് പരിശോധനയ്ക്കായി അയച്ചു. സ്‌റ്റേഷനിലെ 59ജീവനക്കാരും ക്വാറന്റൈനിലാണ്. ഇവരില്‍ 45പേര്‍ വീടുകളിലാണ് നിരീക്ഷണത്തില്‍ ഉള്ളത്.
രോഗബാധിതനായ പൊലീസുകാരന്‍ വെങ്ങോല സര്‍ക്കാര്‍ ആശുപത്രിയിലും സ്വകാര്യ ആശുപത്രിയിലും ചികിത്സതേടിയിരുന്നു. ഇവിടെ ഉണ്ടായിരുന്ന ഡോക്ടര്‍മാരോട് ക്വാറന്റൈനില്‍ പ്രവേശിക്കാന്‍ ആരോഗ്യവകുപ്പ് നിര്‍ദേശം നല്‍കി.
