കൊല്ലത്ത് എസ്‌ഐയുടെ വീട്ടില്‍ നിന്ന് ബൈക്ക് മോഷ്ടിച്ച യുവാവ് പിടിയിലായി. കടയ്ക്കല്‍ പോലീസ് സ്റ്റേഷനിലെ എസ് ഐ ജഹാംഗീറിന്റെ വീട്ടില്‍ നിന്നാണ് ബൈക്ക് മോഷ്ടിച്ചത്. കിളിമാനൂര്‍ സ്വദേശി 27 കാരനായ സുജിനാണ് പിടിയിലായത്. ജൂലൈ 19 രാത്രി 10 മണിയോടെയാണ് മോഷണം നടന്നത്. എസ്‌ഐ മാതാവുമായി ആശുപത്രിയില്‍ പോയ സമയത്താണ് മോഷണം നടന്നത്.
തിരിച്ചെത്തിയപ്പോള്‍ ബൈക്ക് നഷ്ടപ്പെട്ട കാര്യം മനസ്സിലാക്കുകയും ചിതറ പോലീസില്‍ പരാതി നല്‍കുകയുമായിരുന്നു. സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്. ഓട്ടോറിക്ഷയില്‍ എത്തിയാണ് ബൈക്ക് മോഷ്ടിച്ചത്.
