കനത്തമഴയില്‍ കോട്ടയം മെഡിക്കല്‍ കോളേജില്‍ വെള്ളം കയറി

കനത്തമഴയില്‍ കോട്ടയം മെഡിക്കല്‍ കോളേജില്‍ വെള്ളം കയറി. ഒപി വിഭാഗത്തിലാണ് വെള്ളം കയറിയത്. മുട്ടോളം വെള്ളം കയറി. ഇതോടെ രോഗികളും കൂട്ടിരുപ്പുകാരും ദുരിതത്തിലായിട്ടുണ്ട്. ആശുപത്രിക്ക് സമീപം പുതിയ റോഡ് പണിതപ്പോള്‍ വെള്ളം പോകാനായി മാര്‍ഗമില്ലാതായി. ഇതോടെയാണ് ആശുപത്രിക്കകത്ത് വെള്ളം കയറിയത്. ശക്തമായ മഴയെ തുടര്‍ന്ന് കോട്ടയം ജില്ലയില്‍ ഓറഞ്ച് അലര്‍ട്ടാണ്.