കോഴിക്കോട് വ്യാജ ഡോക്ടര്‍ ചികിത്സിച്ച രോഗി മരിച്ചെന്ന് പരാതി
തിങ്കള്‍, 30 സെപ്‌റ്റംബര്‍ 2024 (21:05 IST)
കോഴിക്കോട് വ്യാജ ഡോക്ടര്‍ ചികിത്സിച്ച രോഗി മരിച്ചെന്ന് പരാതി. എംബിബിഎസ് പരീക്ഷ തോറ്റ ഡോക്ടര്‍ ചികിത്സിച്ചതെന്നാണ് ആരോപണം. ടിഎംഎച്ച് ആശുപത്രിയിലാണ് സംഭവം.പൂച്ചേരിക്കുന്ന് സ്വദേശി വിനോദ് കുമാര്‍ ആണ് മരിച്ചത്.
മരിച്ച വിനോദ് കുമാറിന്റെ കുടുംബം പൊലീസില്‍ പരാതി നല്‍കി. ആശുപത്രിയിലെ ആര്‍എംഒ അബു അബ്രഹാമിനെതിരെയാണ് പരാതി. ഹൃദയാഘാതത്തിന് ചികിത്സ തേടിയ വിനോദ് കുമാര്‍ ഈ മാസം 23നാണ് മരിച്ചത്. രാവിലെ ആശുപത്രിയില്‍ പ്രവേശിപ്പിച്ച വിനോദ്കുമാര്‍ അഞ്ചു മണിയോടെയാണ് മരിച്ചത്.