നിയന്ത്രണം വിട്ട കെഎസ്ആര്‍ടിസി ബസ് വെയിറ്റിങ് ഷെഡിലേക്ക് ഇടിച്ചുകയറി അപകടം. തിരുവനന്തപുരം ആര്യനാടാണ് അപകടം നടന്നത്. സംഭവത്തില്‍ അഞ്ച് സ്‌കൂള്‍ കുട്ടികള്‍ക്ക് പരിക്കേറ്റു. കൂടാതെ സോമന്‍ നായര്‍ എന്ന 60കാരനും പരിക്കേറ്റിട്ടുണ്ട്. ഇദ്ദേഹത്തിന്റെ നില ഗുരുതരമാണ്. നെടുമങ്ങാട്ടേക്ക് വന്ന ബസാണ് അപകടത്തില്‍പെട്ടത്.
ബസ് അമിത വേഗത്തിലായിരുന്നുവെന്ന് നാട്ടുകാര്‍ പറയുന്നു. സംഭവത്തില്‍ വെയിറ്റിങ് ഷെഡ് പൂര്‍ണമായും തകര്‍ന്നു. രാവിലെ സ്‌കൂളില്‍ പോകാന്‍ കാത്തുനിന്ന വിദ്യാര്‍ത്ഥികള്‍ക്കാണ് അപകടം ഉണ്ടായത്.
