ആഴ്ചയില്‍ അഞ്ചുദിവസവും കെഎസ്ആര്‍ടിസി ബസ്സിന്റെ ടയര്‍ പഞ്ചറാകുന്നു. ആറ്റുകാല്‍ ക്ഷേത്ര പരിസരത്തെ ഓട്ടോറിക്ഷ തൊഴിലാളികള്‍ക്കെതിരെ പരാതിയുമായി എത്തിയിരിക്കുകയാണ് കെഎസ്ആര്‍ടിസി. പലകയിലാണ് ആണി തറച്ച് പഞ്ചറാക്കുന്നത്. ആറ്റുകാല്‍ പ്രത്യേക സര്‍വീസ് നടത്തുന്ന കെഎസ്ആര്‍ടിസി ജീവനക്കാര്‍ക്കാണ് ഏറെ നാളായുള്ള ഈ ദുരിതം. കൂടാതെ ജീവനക്കാരെ അസഭ്യം പറയുന്നതായും പരാതിയുണ്ട്.
ആറ്റുകാല്‍ ക്ഷേത്രപരിസരത്തുനിന്ന് ശ്രീപത്മനാഭസ്വാമി ക്ഷേത്രത്തിലേക്ക് പുലര്‍ച്ചെ മൂന്നരയ്ക്ക് പുറപ്പെടുന്ന പ്രത്യേക ബസിന്റെ ജീവനക്കാരാണ് സിറ്റി അസിസ്റ്റന്റ് ട്രാന്‍സ്‌പോര്‍ട്ട് ഓഫീസര്‍ ഫോര്‍ട്ട് പോലീസിന് പരാതി നല്‍കിയത്.
