കെഎസ്ആര്‍ടിസി ബസിനുള്ളില്‍ ഛര്‍ദ്ദിച്ച പെണ്‍കുട്ടിയെക്കൊണ്ട് വൃത്തിയാക്കിയ സംഭവത്തില്‍ ഡ്രൈവറെ ജോലിയില്‍ നിന്നും നീക്കി. വ്യാഴാഴ്ചയാണ് സംഭവം നടക്കുന്നത്. നെയ്യാറ്റിന്‍കരയില്‍ നിന്ന് വെള്ളറടയിലേക്ക് സര്‍വീസ് നടത്തിയ ബസിലായിരുന്നു സംഭവം. നെയ്യാറ്റിന്‍കര ഡിപ്പോയിലെ എംപാനല്‍ ഡ്രൈവര്‍ എസ്എന്‍ ഷിജിയെയാണ് സര്‍വീസില്‍നിന്ന് മാറ്റിനിര്‍ത്തിയത്.
ഛര്‍ദിച്ച പെണ്‍കുട്ടിക്ക് കഴിഞ്ഞ ദിവസം ശസ്ത്രക്രിയ ആയിരുന്നു. നെയ്യാറ്റിന്‍കര ആശുപത്രിയില്‍പോയി മടങ്ങുകയായിരുന്ന പെണ്‍കുട്ടി ബസില്‍ ഛര്‍ദ്ദിക്കുകയായിരുന്നു.
