കേരളാ കോൺഗ്രസിന്റെ വരവ് കേരളത്തിൽ ഇടതുമുന്നണിയുടെ ഭരണതുടർച്ചയ്ക്ക് വഴിയൊരുക്കുമെന്ന് എൽഡിഎഫ് കൺവീനർ എ വിജയരാഘവൻ. കേരളരാഷ്ട്രീയത്തിലെ ചരിത്രനിമിഷമാണിതെന്നും വിജയരാഘവൻ പറഞ്ഞു. എൽഡിഎഫ് യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ജോസ് വിഭാഗത്തിന്റെ മുന്നണിയിലേക്കുള്ള പ്രവേശനത്തെ എൽഡിഎഫിലെ ഘടകകക്ഷികൾ ആരും എതിർത്തില്ലെന്നും കേരളാ കോൺഗ്രസിന്റെ വരവ് യു‌ഡിഎഫിനെ ദുർബലമാക്കുമെന്നും വിജയരാഘവൻ പറഞ്ഞു.