ക്രിസ്‌തുമസിന് കേരളത്തിൽ റെക്കോർഡ് മദ്യ വിൽപന, രണ്ട് ദിവസം കൊണ്ട് വിറ്റത് 150 കോടിയുടെ മദ്യം

ക്രിസ്‌തുമസിന് സംസ്ഥാനത്ത് റെക്കോഡ് മദ്യവിൽ‌പന. ക്രിസ്തുമസ് തലേന്ന് ബിവ്റേജസ് കോർപറേഷൻ വിറ്റത് 65.88 കോടി കോടി രൂപയുടെ മദ്യമാണ്. കഴിഞ്ഞ വർഷത്തെക്കാൾ 10 കോടിയുടെ കൂടുതൽ കച്ചവടമാണ് ഇത്തവണ നടന്നത്.

തിരുവനന്തപുരം പവർ ഹൗസ് ഔട്‌ലൈറ്റിലായിരുന്നു ഏറ്റവും കൂടുതൽ വിൽപന നടന്നത്. 73.54 ലക്ഷം രൂപയുടെ മദ്യമാണ് ഇവിടെ മാത്രം വിറ്റഴിച്ചത്. ചാലക്കുടിയിൽ 70.70 ലക്ഷം രൂപയുടേയും ഇരിങ്ങാലക്കുടയിൽ 63.60 ലക്ഷം രൂപയുടേയും വിൽപന നടന്നു.

ക്രിസ്‌തുമസ് ദിനത്തിൽ 73 കോടിയുടെ മദ്യമാണ് ബെവ്‌കോ,കൺസ്യൂമർ ഫെഡ്‌ ഔട്‌ലറ്റുകൾ എന്നിവ വഴി വിറ്റഴിച്ചത്.ക്രിസ്തുമസ്‌ ദിവസം ബെവ്‌കോ ഔട്‌ലറ്റ്‌ വഴി 65 കോടിയുടെയും കൺസ്യൂമർ ഫെഡ്‌ ഔട്‌ലറ്റ്‌ വഴി എട്ട് കോടി രൂപയുടെയും മദ്യം വിറ്റു.ക്രിസ്തുമസ്‌ തലേന്ന്‌ കൺസ്യൂമർഫെഡ്‌ വഴി 11.5 കോടി രൂപയുടെ മദ്യം വിറ്റു. ഇതുകൂടിയാകുമ്പോൾ ക്രിസ്തുമസിന്‌ മലയാളി കുടിച്ചത്‌ 150.38 കോടിരൂപയുടെ മദ്യം.