ശബരിമലയിൽ മറ്റൊരു അയോധ്യ സൃഷ്ടിക്കാൻ ചിലർ ശ്രമിക്കുന്നുവെന്ന് മുല്ലപ്പള്ളി രാമചന്ദ്രൻ

കോഴിക്കോട്: ശബരിമലയില്‍ മറ്റൊരു അയോധ്യ സൃഷ്ടിക്കാന്‍ ചിലര്‍ ശ്രമിക്കുന്നതായി കെ പി സി സി പ്രസിഡന്റ് മുല്ലപ്പള്ളി രാമചന്ദ്രന്‍. സര്‍വകക്ഷി യോഗം വിളിച്ച്‌ പ്രശ്‌നം രമ്യമായി പരിഹരിക്കാന്‍ സർക്കാർ തയ്യാറാവണമെന്നും അദ്ദേഹം പറഞ്ഞു.

വിശ്വാസികളുടെ വികാരം സര്‍ക്കാര്‍ മാനിക്കണം. വിശാല താല്‍പര്യം കണക്കിലെടുത്ത് സര്‍ക്കാര്‍ ഉടന്‍ പുനഃപരിശോധനാ ഹര്‍ജി നല്‍കണം. സര്‍ക്കാര്‍ അതിനു തയാറായില്ലെങ്കില്‍ മറ്റു സംഘടനക്കൾ റിവ്യൂ ഹര്‍ജി നല്‍കണമെന്നും ഹർജിയിൽ കക്ഷിചേരേണ്ടതുണ്ടെങ്കിൽ കോൺഗ്രസ് കക്ഷി ചേരുമെന്നും ആദ്ദേഹം പറഞ്ഞു.