കാപ്പന് കൈപ്പത്തി തരാം: കോൺഗ്രസിലേക്ക് ക്ഷണിച്ച് മുല്ലപ്പള്ളി

എൻസി‌പി നേതാവ് മാണി സി കാപ്പനെ കോൺഗ്രസിലേക്ക് ക്ഷണിച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. മാണി സി കാപ്പൻ കോൺഗ്രസിലേക്ക് വന്നാൽ സന്തോഷം. കൈപ്പത്തി ചിഹ്നം കാപ്പന് നൽകാമെന്നും മുല്ലപ്പള്ളി പറഞ്ഞു.

അതേസമയം മാണി സി കാപ്പൻ യു‌ഡിഎഫിലേക്ക് വരുന്നത് സന്തോഷമെന്ന് പ്രതിപക്ഷ നേതാവ് രമേശ് ചെന്നിത്തലയും പ്രതികരിച്ചു. അതേസമയം പാല സീറ്റ് ലഭിക്കില്ല എന്ന ഉറപ്പായ സാഹചര്യത്തിൽ എൻസിപി മുന്നണി വിടുന്നതടക്കമുള്ള നിർണായക തീരുമാനം ഉടൻ ഉണ്ടാകും. എൻസിപി സംസ്ഥാന പ്രസിഡന്റ് ടിപി പീതാംബരനും മാണി സി കാപ്പനും ദേശീയ അധ്യക്ഷൻ ശരദ് പവറുമായി ഇന്ന് ചർച്ച നടത്തും.