നാദാപുരം എംഇടി കോളേജില്‍ വിദ്യാര്‍ഥികള്‍ക്ക് നേരെ ബോംബേറ്; മൂന്ന് പേര്‍ക്ക് പരുക്ക് - സ്ഥലത്ത് വൻ പൊലീസ് സംഘം
നാദാപുരം എംഇടി കോളേജില്‍ വിദ്യാര്‍ഥികള്‍ക്ക് നേരെ ബോംബേറ്; മൂന്ന് പേര്‍ക്ക് പരുക്ക്
നാദാപുരം എംഇടി കോളജിലുണ്ടായ സംഘർഷത്തിനിടെ വിദ്യാർഥികൾക്കു നേരെ ബോംബേറ്. നിരവധി പേർക്ക് പരുക്കേറ്റു. മൂന്ന് വിദ്യാര്‍ഥികളെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. സ്ഥലത്ത് വൻ പൊലീസ് സംഘം ക്യാമ്പ് ചെയ്യുന്നുണ്ട്.
പുറത്തുനിന്ന് എത്തിയവരാണ് ബോംബേറിന് പിന്നിലെന്നാണ് വിദ്യാര്‍ഥികള്‍ പറയുന്നത്. എംഇടി കോളേജ് പരിസരത്താണ് സംഘര്‍ഷത്തിനിടയില്‍ ബോംബേറുണ്ടായത്.
യൂണിയന്‍ തെരഞ്ഞെടുപ്പുമായി ബന്ധപ്പെട്ട് സംഘര്‍ഷാവസ്ഥ നിലനില്‍ക്കുന്നതിന് ഇടയിലാണ് ബോംബേറ് ഉണ്ടായത്.
